تعامل الآباء مع أطفالهم بيدور في حلقات متواصلة
وأوقات الحلقات دي بتمشي في مسار سلبي فبتأثر على نفسية الطفل وبتكبر معاه
طب أيه هي الطرق السلبية دي؟
1- مفيش اهتمام كافياً.
في درسة اتعملت في مركز بوسطن الطبي واللي أكدت أن الآباء بيملوا لتجاهل أطفالهم على الهواتف الذكية زي مثلا مكالمة تليفون أو على شبكات التواصل
كمان بيدوا لشغلهم وقت وتركيز أكبر
واللي ممكن توصل لأنهم يسيبوا أطفالهم مع مربيات ودا غلط كبير لأنه مش هيتعلم أي سلوكيات صح أو يلاقي حد يعلقله على تصرفاته وينصحه
فيبدأ يتعلم سلوكيات سلبيه من البيئة اللي حوليه وتتحول لطباع ثابته
2-التصرفات الخاطئة للآباء.
الأطفال بيراقبوا وبيقلدوا أي تصرف
ومع ذلك الآباء بيتصرفوا بشكل سئ قدمهم زي مثلا الصوت العالي -الزعيق – التدخين أو حتي عدم النظام وبيستنوا من أولادهم أنهم يتصرفوا بمثاليه
كمان أنك تعلم أطفالك حاجه وتتصرف إنت عكسها دا بيخليهم يفتكروا أنك منافق أو أن الحاجة دي مش مهمه
3- تربية الطفل اللي الأهل عايزاه مش اللي الطفل عايزه.
” في دراسة اتعملت ونشرت في صحيفة ديل ديل بتثبت أن الآباء بيحاولوا أنهم يعوضوا أحلامهم الفاشلة في أولادهم “
فبيبتدوا يوجهوهم للي هما عايزينه ويقنعوهم أن هو دا طريق النجاح وبس
ونتيجة لذلك بيتحكموا في مستقبلة وممكن يوصلوه لمرحلة اكتئاب أو أنه يفشل فعلا
4- خيبة أمل صغيرة تفيد في بعض الأحيان.
الآباء مبيتقبلوش تعرض أولادهم للفشل أو للإحباط فيبتدوا أنهم يحموهم من أي انتكاسات
بس دا غلط لأن لازم يتدرب الطفل على قبول فشله بل وكمان يعرف ازاي يتعامل معاه ويخرج من ضغطه بنفسه
علشان لما يتحط في أي موقف بعد كدة يتعلم ازاي يدافع عن نفسه بقوة
5- انعدام الثقة.
في دراسة عملتها جامعة برينستون بتقول أن في 40% من الأطفال في أمريكا عندها عدم ثقه وخوف مستمر وعدوانية
ودا نتيجة مثلا لكذا حاجه
-ياما مثلا وعدت طفلك وعد ومنفذتوش ففقد الثقة فيك
– أو ادتله الثقة أنه يحكي أي حاجه من غير خوف ولما اتكلم اتصرفت معاه بعنف وخوفته
– أو أن الآباء بيعاملوا أولادهم على أنهم مش هيقدروا يعملوا شئ معين بكفاءة فيبدأ يفقد الثقة في امكانياته ونفسه
6- زيادة السيطرة
في دراسة نشرتها الجمعية الامريكية لعلم النفس بتقول أن زيادة السيطرة بتؤثر سلبياً على قدرة الطفل في التحكم في سلوكه وعواطفه وكمان بيلاقي صعوبة في تكون أي صداقات
7-عدم التعلق بالدين.
الأنشطة الدينية بتساعد بس في الشعور بالرضا وعلشان كدة الأطفال محتاجه أنها تتعلق بدينهم علشان يكون عندهم قيم مثالية مش سهل يتحرروا منها بل تساعدهم أنهم يكونوا منضبطين وتوجههم وتخليهم أشخاص بالغه ومسئولة
8- منع أي معلومات عن مواضيع مهمه زي الجنس.
أغلب الآباء بيعتبروا أن المواضيع دي من المحرمات
ولكن في درسة ذكرت في يوم الصحة
أثبتت أن لو الآباء علموا أولادهم وفهموهم هيقدر الطفل فيما بعد يحمي نفسه من أي عواقب سلبية أو استغلال جنسي وهيكون أكثر نضجاً وثقافة
شاركنا برأيك أيه الحاجات اللي الأهل بيعملوها تاني بتأثر سلبا على نضجهم؟
