انواع الفوبيا
شاب بريطاني اسمه ” توماس تاونسيند ” توفي بسبب استخدامة لكمية كبيرة من مزيل العرق ليعوض عن عدم استحمامه بسبب خوفه من الماء فكانت نتيجة استنشاقه لغاز البوتان الزائد الموجود بالزيل أنه
يتوفي
إمرأه اسمها ” لورنا ليبينبرج ” امتنعت عن العمل لمدة 17 سنه بسبب خوفها من الشغل والناس والنتيجة تعرضت لمشاكل مالية
في البداية لازم نعرف ايه اللي ممكن يوصل للمرحلة دي ؟
‘ الفوبيا ‘
والفوبيا هي خوف شديد وغير عقلاني، بدون مبرر أو خطر حقيقي
رد فعل مفرط وغير منطقي، وممكن يكون نابع من مكان أو وضع أو شئ معين
الفوبيا سلوك مكتسب لدي الإنسان
مبيتولدش بيه بل نتيجة لموقف اتعرضله وهوصغير أو كبيرآثر عليه وعلي حياته بشكل سلبي
أنواع الفوبيا
1-الفوبيا البسيطة
زي مثلا خوفك من مرتفعات أو حيوان معين،
الأماكن المغلقة، العواصف
2- فوبيا الأ جتماعيات
الخوف من أنك تكون موجود وسط ناس كتير
أو أنك تتكلم قدام تجمعات
وطول الوقت عندك قلق رهيب من أن أدائك ضعيف
3- الخوف من أنك تمشي في شارع مزدحم تماما أو خوفك أنك تسافر وتبعد عن البيت
ودا أكتر نوع بيأثر بطريقة سلبية رهيبه علي حياتك وشغلك لأنك بتحصر نفسك في حيز ضيق جدا وبترفض شغل كتير وحياتك بتكون محدودة وكلها رعب وشك وبالتالي بتفقد اللذة في أنك تعيش وتستمتع بكل حاجه حواليك
4- الخوف من الاماكن المكشوفة , لأن بعض الناس بتخاف يحصلهم نوبة صحية وميلقوش مساعدة متاحة
5- أفيوبوبيا اللي هي الخوف من الطيران
6- الخوف من الدم
7- الخوف من العناكب
8- الخوف من الليل والظلام
مين أكتر ناس عرضه للفوبيا؟
•الأشخاص اللي عندهم استعداد وراثي للقلق
• العمر، والحالة، الأجتماعية الأقتصادية، والجنس عوامل محتملة
زي مثلا :
النساء أكتر عرضة للإصابة بالفوبيا الإجتماعية
الرجال بيمثلوا الغالبية العظمي من الخوف من طبيب الأسنان
طب ايه هي أعراض الفوبيا ؟
- إرتفاع ضغط الدم
- ضيق في التنفس
- غثيان
- ألم أو ضيق في الصدر
- دوخة
- معدة مضطربة
- الكلام السريع
- ارتجاف
- فم جاف
الفوبيا من أخطر الأمراض النفسية
بس كونك عايز تعيش حياة سوية فدا يخليك تبدأ تتعالج مع أخصائيين نفسيين عن طريق تدريب سلوكي واللي بيحقق نتائج فعالة تماما و الفوبيا بتختفي نهائي
ياتري ايه هو نوع الفوبيا اللي عندك؟
