الضغط النفسى وضغه ايه فى حياتك ؟
قلقان؟ مش عارف تركز في الشغل أو الدراسة ؟ حاسة انك لوحدك و بتتعرضى لتقلب المزاج على طول ؟ شكلك بيتوتر من أقل حاجة ؟ حاسس بالنقص او إنك أقل من المطلوب ؟
مبروك عزيزي القارئ انت عندك أعراض الضغط النفسي، و الكلام الجاي ده علشانك
لا روق كده أمال متتخضش 😀
تعالي نتعرف على إيه الضغط النفسي، أسبابه، اعراضه، و نقول شوية طرق من علاجه ..
إيه هو الضغط النفسي ؟
الضغط النفسي – سمة العصر – شعور سلبي بيجي أما نتعرض لحاجات فوق طاقتنا، نوعه و شدـته بتتغير من شخص للتاني و الجدير بالذكر ان النسبة القليلة من الضغط النفسي تعتبر حاجة كويسة عشان بتزقنا نخوض تحديات و ننجز مهمات و ناخد قرارات لحظية و لكن زيادته شئ مش كويس وبيعمل أثر عكسي لو استمر فترة طويلة.
أسبابه إيه يا ترى ؟
الجسم بتاعنا – ربنا يحميه – بيستجيب لكل حاجة بيتعرضلها !
فلو اتحطينا في حالة خطر مثلاً فإستجابته هتكون يا هنجري يا هنثبت يا هنعمل فيها جاكي شان و هوبا نط سحري في المكان و حاجات مكناش نعرف إننا قادرين نعملها
ده عشان الجسم بيفرز هرمونات معية – زي الأدرينالين – مسئول عن الإستجابة التلقائية .. ترفع معدل ضربات القلب وضغط الدم؛ فتزود كميـة الأكسجين الواصلة إلى العضلات، وبعد كدا تزيد سُرعة التنفـس وكميـة التعرـق، وكل ردود الأفعال دي تخلينا مستعدـين للتصرـف في حالة الخطر المحتمَل، ده بيساعد على البقاء والهروب من المخاطر 😉
لكن ضغوط الحياة اليومية الناتجة عن المشاكل المادية أو ضغوط العمل أو مثلاً مثلاً المواصلات العامة مش هتخلينا جاكي شان و ننط من مكانـا بس بتأدي إلى إفراز الهرمونات اللي بتزود ضغط الدم، وضربات القلب، وسرعة التنفس، أما تزيد ردة فعل الجسم ناحية الضغوطات دي فهي على المدى الطويل بتأثـر بالسلب على صحـتنا بالأعراض اللي هنقولها دلوقتي
أعراض الضـغط النفسي
رغم اختلاف قدرات الأشخاص واستجاباتهم للضغط النفسي، إلـا أن في أعراض شائعة ومشتركة تدل على أن الشخص يُعاني من الضـغط النفسي، وقد تكون هذه الأعراض نفسيـة، أو عاطفيـة، أو سلوكيـة، أو جسديـة، او ميكس من كل ده، وهي كالآتي
أعراض نفسية زي :
القلق الدائم و المستمر
فقدان القدرة على التـركيز في الدـراسة أو العمل
الإصابة باضطرابات الذـاكرة
التـشاؤم الدـائم والأفكار السلبيـة
أما الأعراض العاطفية فتشمل الي جاي :
الشعور الدائم بالوحدة
التغيـرات المفاجئة في المزاج واللي لا يمكن تبريرها
الغضب والتوتـر من أبسط الأمور
الشـعور بالنـقص أو الدونيـة
الشعور بالاكتئاب
والأعراض السلوكية:
في اضطرابات تناول الطعام، زي فقدان الشهية وتناول كميـةٍ أقل من الكمية المعتادة أو تناول كميـاتٍ كبيرةٍ من الطعام على غير العادة.
اضطرابات النوم، النـوم فتراتٍ طويلةً أكثر من اللازم أو النوم المتقطع أو الأرق
أعراض جسدية :
الشعور بالآلام العضويـة في مختلف مناطق الجسم وخصوصاً في منطقة الرقبة والأكتاف والظـهر
الشعور بالصداع
آلام في منطقة الصـدر
اضطراباتٍ في الإخراج، زي: الإمساك أو الإسهال
والشـعور بالغثيان، والدوخة،
وشوية حاجات تانية ليها علاقة بالاجتماعيات زي الشعور برغبة دائمة في الانعزال، وتجنب الناس
وممكن الضغط النفسي يخلينا نتجاهل المسؤوليات ، وفي حالات أسوأ ممكن يودي اللجوء إلى التـدخين أو الكحول أو المخدـرات؛ للهروب من الضـغط.
وكل الأعراض دي بتظهر على الأشخاص اللي عندهم الضغط النفسي، وبس ممكن تكون مرتبطة بأمراض أخرى، عشان كدة يُفضَـل نروح للدكتور لو عانى الشخص من كثير من هذه الأعراض
طب وبعدين ؟
في أمل يا دكتور ؟
أكيد الأمل في كل حاجة
عشان نعرف شوية طرق من طرق علاجه نبص عالصورة الظريفة اللي تحت دى
انت كده عرفت معلومات تكفيك إنك تاخد خطوة، ودي أصعب حاجة، بس وأنت بتفكر تاخد خطوة تجاه الراحة من الضغط النفسي، محتاج تقعد تفكر ايه السبب الاساسي اللي حاطك في الضغط ده ؟ لان الضغط النفسي مش هيتحل من غير تعديل واضح في السلوك يخليك مترجعش تاني
يلا فكر و وضح لنفسك أسبابك و خد خطوة و قرر هتحاول تشتغل على انهي نقطة في دول وقولنا عليها 🙂
كتبته: آية حسن جابر
: مقالات مشابهه
القلق الغير مبرر و الاوفرثينكينج لكل شخص بيقلق من غير سبب
