اضطراب الشخصية الحدية – فيلم الجوكر

 طبعا فى ناس كتير اتفرجت على فيلم الجوكر و فى ناس كتير حبت الفيلم جدا و منهم احنا 😀

طيب تعالوا نتكلم شوية عن المرض النفسى اللى كان بطل الفيلم “خواكين فينيكس” بيعانى منه وهو “اضطراب الشخصية الحدية”

“Borderline disorder” 

اضطراب الشخصية الحدية  من الأمراض اللى بتأثر فى طريقة تفكيرك فى نفسك وفى مشاعرك ومشاعر الناس اللى حواليك.

والنوع ده من الشخصيات زى ما شوفنا فى شخصية ” أرثر” رغم شعورها بالوحدة إلا أنها بتجد صعوبة كبيرة جدا فى تحملها و بتعانى من حالات مزاجية متقلبة جدا لدرجة انها ممكن تخلى الناس اللى حواليك تبعد عندك رغم إحساسك بأنك عايز تشعر بالحب وأن فيه علاقات دائمة فى حياتك.

طيب زى ما شوفنا فى شخصية البطل لافتقاد التناغم العاطفي من وهو طفل  وده اتكلم عنه ” دانيال جولمان” فى كتابه الشهير” الذكاء العاطفي”

إن الشخصية دى اتربت وعلاقتها بأفراد أسرتها فقيرة عاطفيا جدا مكانش فيه تناغم كبير واحساس الأم والأب بمشاعر طفلهم أو افتقاد الشخص لأحد الأبوين وعدم وجود محاكاة لمشاعر الطفل من هو صغير  وتعرضه لطفولة ضاغطة لأبعد الحدود.

وده نتج عنه مع تقدم السن اضطراب الشخصية الحدية طيب تعالوا نتكلم كده عن الأعراض اللى ظهرت على البطل  كانت ايه :

1- احساس البطل بأن دايما هو شخص ملوش وجود والناس مش حاسه بوجوده تماما وخلينا نفتكر البطل قال جملة فى الفيلم شبه كده : For my whole life I didn’t know if I even really existed 

2- بطل الفيلم دايما كان بيميل للأفكار الانتحارية وأذية النفس وده ظهر لما كان شايل مسدس دايما معاه.

3- الخوف من الفراق أو الرفض  ” دايما كان خايف يميل للطرف الأخر او معندوش القدرة أنه يعمل كده

4-نمط غير مستقر من العلاقات العاطفية يعنى فى لحظة يكون بيحب الشخص ده جدا ولحظة تانية لو حصل موقف ما بينهم يقول عليه انه مهمل وقاسى جدا.

5-اضطراب الشهية وده شوفناه جدا على جسم البطل وانه مكانش بياكل خالص لدرجة ان جسمه بقى نحيل جدا. 

طيب ايه المضاعفات اللى ممكن تحصل لشخصية زى كده ؟!  

1- ممكن يخسر مستقبله المهنى والخطوات اللى أخدها فيه بسبب تقلباته المزاجية وأفكارة وده شوفنا لما البطل انفصل من عمله كمهرج.

2- الاشتراك فى العلاقات المؤذية. 

3-محاولة الانتحار. 

طيب هو المرض ده ملوش علاج ؟!  لا طبعا بيتعالج جدا وكل ما يكون التعامل معاه أسرع وفى مرحلة مبكرة كل ما يكون العلاج يتم بشكل أفضل . 

طيب نعمل كده ازاى؟! 

1-أول حاجه لما نبتدى نحس فعليا ان فيه عرض من الأعراض اللى اتكلمنا عنها  لازم نستشير طبيب نفسى يكون فاهم حالتنا كويس جدا مش زى الدكتورة النفسية اللى مكانتش بتسمع ” لأرثر” أساسا فى أول الفيلم   فياريت نشوف طبيب نفسى كويس ونتكلم معاه ونطلب منه يساعدنا فى رحلة العلاج.

2- ندور على أقرب حد منا يعرف يقرأ أفكارنا ومشاعرنا من غير ما نتكلم والناس دى بيبقى الذكاء العاطفى عندها عالى جدا وعندها القدرة انها تسمعنا وتشعر بالحالة الداخلية اللى جوانا. 

3- أخر حاجة وقبل كل حاجة لو أنت أب أو أم وأنت بتربى طفلك حاول تفهمه بشكل أكبر من كده اخلق حالة تناغم عاطفى بينك وبينه متهملش مشاعره الموضوع ده هيفرق معاكوا كتير جدا فى تربية طفلك من وهو صغير وتربيته هتطلع تربية سوية بدون أى مشاكل نفسية.

 واللى ما اتفرجش على الفيلم يبتدى يشوفه يا جماعة وأرجعوا للبوست تانى وأقرأوا الكلام كويس , دمتم أصحاء <3 ^_^ 

كاتب المقالة

Admin

Leave a Reply

Your email address will not be published. Required fields are marked *