ازاي أتعافى من التعلق بارتباط قديم

 

ازاي أتعافى من التعلق بارتباط قديم 

 

وانا صغير كنت بسمع عن ناس بتسيب بعض ومش ببقي عارف هما ليه بـ ينفصلوا عن بعض!  طب ليه بيعيطوا ! ليه بيفضلوا حابسين نفسهم في اوضة عشان مش عاوزين يتكلموا مع حد !!!🤔

مش هضحك عليك واقولك اني طنشت، بالعكس الموضوع فضل شاغل تفكيري لحد ماكبرت،  وفي الحقيقة فكرت كتير ليه الناس دي بيحصلها كدا، ليه ممكن هما اللي يقرروا يسبوا بعض وبرضو مضايقين ،  وللاسف ملقتش غير اجابة واحده فقط 

“انهم مش عارفين يتخلصوا من التعلق بالأشخاص اللي كانوا في حياتهم” مش قادرين حتى يتقبلوا فكرة انه  خلاص هما سابوا بعض …😞

 

طب ازاي يقدروا يتعافوا ويخرجوا من التجربه ديه ؟؟ 🧐

نتيجة لأبحاث ودراسات علمية توصلنا إلى بعض الحلول 👇


_بطل تتابع اي اخبار خاصة بيهم : 

اول خطوات التعافي انك تمسح كل الحاجات اللي ممكن تفكرك بالشخص دا ، لأن كل ما هتفضل تتابع اخبارة وتشوف هو بيعمل ايه و عايش ازاي هتفضل في مكانك مش  هتنسي ولا هتعيش حياتك طبيعي ..

_ خذ قسط من الراحة :
ارتاح ، راجع نفسك، ابعد  عن كل الضغوطات اللي حواليك سواء شغل، جامعه، ناس بتكلمك وبتضغط عليك  ….الخ 

 

_ نام عدد ساعات كافي
النوم في الفترة ديه مفيد جدا،  وخصوصا لو نمت بدري وصحيت بدري هتظبط الساعة البيولوجية لجسمك لأن خلال فترة النوم الجسم بـ يفرز هرمونات ومنها هرمون الميلاتونين، اللي بيساعد على الشعور بالسعادة والتفاؤل.

 

_اعمل حاجات بسيطة تسعدك 

1- أتفرج علي التفزيون 

2-انزل اخرج خروجه تبسطك مع اصحابك اللي بقالك كتير مش بتشوفهم ،

3-زور قرايبك اللى بتحبهم 

4-قعد وسط ناس بتحس معاهم بالامان 

 

واجه نفسك في المرايه :
اقف كل يوم قدام نفسك في المراية وادعمها بكلام ايجابي “قولها احنا كنا في علاقة بتأذينا وخرجنا منها خلاص، مخسرناش حاجه بالعكس احنا اتعلمنا كتير ، وقول الحاجات اللي انت اتعلمتها من التجربة خلي ودانك تسمعها .. 

 

توقف عن إلقاء اللوم على نفسك :
بطل تعاتب نفسك وتلومها فكر دايما ازاي تتعلم من التجربة وتستفيد منها في حياتك ..

 

 ممارسة الرياضة يوميا :
الانشطة البدنية من اكتر الحاجات اللي بتساعد في التعافي، لأنها بتعزز من إفراز هرمون السعادة  “الإندورفين ” في الجسم  .. 

 

اتكلم مع صديق مقرب ليك :  
فضفض لأن الفضفضه في الوقت دا بتكون مفيدة جدا لتخفيف العبء وخصوصا لو يكون الشخص دا مصدر دعم ليك صدقني هيفرق معاك جدا .. 

 

فضفض علي ورق :
اكتب كل الحاجات اللي انت حاسس بيها، خرج كل المشاعر السلبية علي الورق و كل فترة ارجع اقرء اللي كتبتة وشوف انت بـ تتحسن ، حالتك بتسوء اكتر قيم حالتك بنفسك هتفرق كتير معاك في التعافي..

 

اتكلم مع اخصائي نفسي:
في بعض الحالات مش بنبقي عارفين نوصف اللي حاسين بيه لأصحابنا، لأهلنا يمكن خايفين من  اللوم في بعض تصرفاتنا او بنخاف من انتقادات معينهم عاوزين نسمعها فـ بنكون عاوزين حد متخصص يساعدنا نخرج من الحالة ديه بدون  تفكير في أي كلام قبل نقولوا ..

ادعي دايما و جواك يقين انك هتخرج من المحنة دى وخليك واثق من دعائك .😍

 

وتذكر دائما ان كل ما تمر بة الان ماهو الا اختبار صعب وانت قادر على اجتيازه✋😉 

https://bit.ly/30IB3g2

https://bit.ly/2OiOiRL

 

كاتب المقالة

Admin

Leave a Reply

Your email address will not be published. Required fields are marked *